قالت تغزل

قالت تغزل للشعر فيك شامات
هلّ المشاعر .. في عيونك قصيده !

قامت تنهّت صوتها فيه عبرات
مثل الجريح اللي نزيف بوريده

صدّيت اكابر جالس بكل حيرات
كني بمسلسل!! .. والبطوله بليده!!

وقالت تغزل خلها عنك نظرات
ياليلة(ن) شفتك عساها تعيده

نبي انتعرف .. والخجل بيننا بات
ناظرت ابحكي بالضروف العنيده

تنشد علامي عايش(ن) في معانات
والا غرور النفس فيها ازيده

حيّرتها .. وهي حيّرتني بدمعات
في يوم ضجّه والغلا من يصيده

حاولت اهيمن وافضحنّي ابتسامات
ورحت آتصدد يم ذاك الوليده

قلت ابشري يالريم هاتي المقاسات
توصيف شاعر والمحبه رصيده

قالت تفضل واضحكت لي بهمسات
هاك الجمال .. وفيه قيس النشيده!!

وعدّيت اسولف يوم داهمت الابيات
والريم من كل المواري سعيده

يافاتنه قلبي به الشوق ( شفتات )
وشلون اكمّل وانتي احلى قصيده !!