قدس العرب

تدرون ليش الله بلانا (بشارون)؟
و(باراك) قبله و(بنيامين) اليهودي؟

والنذل (اليعازر) مع ابليس (شمعون)؟
يوم انهم حطّوا علينا قيودي؟

ضعنا وضيّعنا رجال(ن) يحكْمون
سراب يسمونه : (سياسة حدودي)!

مجنون من (طبّع) علاقات مجنون
وشلون نسالم ناقضين العهودي؟

فرق(ن) كبير(ن) بيننا لويخفّون
عصر(ن) قديم(ن) خابرينه جدودي

راحت علينا حرب 67
مرّ الهزيمه باقي(ن) يالفهودي

قدس العرب شوفوا به اليوم صهيون
تسرح .. وتمرح .. والوطن له لدودي

البيت الابيض بيت للذل مرهون
يالعنبوهم مناصرين القرودي

قدس العرب باقدامهم جوّ يااااااااطون
بمخطط (البلفور) جوناااااااا لهودي

شعب القدس مابين جثّه ومسجون
وعقب التحجّب : ( عاريات النهودي )!

ياربعنا كفوا عن اللي تسوّون
شوفوا عربنا بالمجاعه جلودي

ياربعنا عيب(ن) عليكم تمادون
وطفل الحجاره مناطح(ن) للبارودي!

ياربعنا حتى بناته يفجرون!!
وحنا صناديد العروبه قعودي!!

ياربعنا خلوا المثارين يقفون
ويصبّح العبري رعيد الزنودي

شعب(ن) تكدّس بالبطولات ممنون
رغم المدافع والحرس والجنودي

شيب(ن) وشبّان(ن) والايتام يبكون
واللي تعزوى مالقى له وجودي

الدبلوماسيه بها الزيف مدهون
ياما تفاوضنا و(بسنا) خدودي!

لفّه..ودوره بالتلاعيب يبغون
ضمّه مع الارهاب واصله صمودي

دمّ(ن) يسيلونه وعلى (بوش) يشكون
والبوش رمز البوش مافيه فودي

و(دونالد) نصراني خسيس(ن) وملعون
و(باول) وزير(ن) للحقايق جحودي

بيت(ن) يهدْمونه على راس مطعون
بالصوت والصوره علينا شهودي!

اما نعيش العمر ماعاش فرعون!!
والا نصير اليوم وسط اللحودي

بس النهايه ينتصر خالق الكون
عربان حنا ويحسبونا هنودي!!