سليل الخوالد

ياشيخ ماجيت يمّك طالب التوبه
وماني براجي شرابي منك واطعامي

النفس ماهي على الهزلات مغصوبه
لو اشرب المر عام(ن) من ورى عامي

الله واكبر زماني بان عذروبه
عوّد علينا الزمن بالرمح واسهامي

روس العرب لابتي سكّانة الجوبه
من نجد للساحل الشرقي الى الشامي

انا سليل الخوالد جعلك الكوبه
وانتَ سليل (الرخم) و(الكدش) و(انعامي)

يوم العرب غارقه بالدم واحروبه
حنا لنا مركز(ن) تخشاه الاقوامي

بالخط الابيض على التاريخ مكتوبه
أنشد وتلقى عليه النايف السامي

دنيا العجايب تشوف الشي باعجوبه
لوكان تافه تشوفه فوق الاعلامي!!

لاتحسب انك شروق المجد واغروبه
وانت الصغير المقيّد بين الاحلامي

(بكرسيك) هذا تجيك الحال مقلوبه
ماينفعك طول (بشتك) كله اوهامي

وان كان (بشتك) يسرّك بالعمر نوبه
تراه في سالف الايام هندامي!!

مسكين لاتبني الاسوار بالطوبه
عمر الزمن مانظر في وجه الاقزامي

مهما يخون الزمان وينعفن ثوبه
أبقى حفيد الشرف لو كنت منظامي

لامابقى من العمر يستاهل التوبه!!
مادامك انت الهدف وآنا ولد رامي!!