قمة العرب

الشيخ شيخ الفعل والا انت طالح
هافي ولالك شيخةٍ يعربيّه

فعلك ماهو فعل المهادي وشالح
ولاانته زعيم الدار والدار حيّه

الشيخ لامنّه غدى شيخ صالح
عمري على شانه يسوق المنيّه

اما انت لاشيخٍ ولاانته بفالح
مقرود مالك بالعرب قابليّه

تشره على العربان وانت امس سالح
ياهيه وقّف واشرب الزمزميّه

هايم على وجهك يابو وجه كالح
لك نيةٍ بين العرب لولبيّه

ماكبّر الرعديد لبس المشالح
ولاصغّر الرجّال غير الرديّه

كرّع محيط الهند باهت ومالح
وبلّط نفود الجوف والعارضيّه

لو كنت انافق في شعوري وامالح
كان انت تلقاني معي افضليّه

قلبي معك لايمكن انه يصالح
ماانته براعي دامك من الرعيّه

ماني من اللي يتبعون المصالح
يستر عليك ويستر الله عليّه