يوم اقبلت

يوم اقبلت في سواد اليل قلت ارحبي
يا احب واغلى من العربان ومن بايسير

قالت دخيلك تفارقني بجاه النبي
ترن انتهاك المحارم ميزة أحقر حقير

يا تايه الراي ما عندي لك اللي تبي
انا نذْيرتك ولا ما تهاب النذير

قلت ابتلاني بك الله جعل يبلاك بي
حلفت بالله ما اخليك مهما يصير

قالت وهي تبتسم مجنون يا لاجنبي
لكن قبلناك واخترنا معاك المصير

وابا انشدك من متى ربي معنيك بي
قلت اشهد اني معنا بك وتوّي صغير

حبك ذبحني رضيع ويوم صرت احبي
وصلت دوافع هواي اني عليك استغير

هيا انشديني عن اللي فات واستجوبي
حُبٍ قديم صعدته في حنايا الضمير

قالت لي اطلب ونا البيك قلت اطلبي
حُبة مبيسم يقدمها عشير لعشير

واتحضنتني ومنكبها على منكبي
وسْكرت بين الونين وبين ريح العبير

وعيونها هي وقلبي في طراد وسَبي
واقفت بقلبي وهو مطعون مسبي واسير

قالت تغزل قبل ما اروح صوب اعربي
ترى الغزل في مواقف مثل هذي كثير

قلت الغزل فيك ( ...)
يسري معي سرية البارق بليل ٍ غزير