قال ابن مهذل خاطره فيه هوجاس
ما جاه علم ٍ من وطنّا يشوقه

مابه جموع ٍ توها يِضرَب الطاس
ولا غلام ٍ بيرق العز فوقه

بعض الرخوم يزوم نفسه على الناس
والناس والله مادروا وين سوقه

ما كنه الاّ شايل ٍ رمح جساس
ولاّ عمامة سالم الزير فوقه

اذا توطّاه العدو قال لاباس
وعلى بني عمه تحنب عروقه

قليل الأصل لراية العز نكاس
والعبد لي خاواه عمه يبوقه

اللي دخيلن في العرب قال أا الساس
في حكم اخو نوره خيوله سبوقه

ما يدري انا في الرجاجيل بخاس
ومن جا يبى يرقى علينا نعوقه

معقبين بالنقا كل بلاس
قدهي مخلاة ٍ من اول طروقه

نحوس وضع عدونا لين ينحاس
ونطبق السبع السماوات فوقه

اذا فعلنا فعلنا يرفع الراس
واذا هرجنا هرجنا من عذوقه

نطول وارياق المناعير يباس
يوم ان ولد اللاش توخذ حقوقه

تاريخنا للناس منبر ونبراس
والبيرق الخفاق معنا نسوقه

بر قه سلبنا لي ركبنا بالأفراس
مثل السحاب اللي تلامع بروقه

والختم صلوا عد ماهب نسناس
على النبي راعي النوايا الصدوقه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر