انور الشرق الاوسط من شمال وجنوب
وعانق الشرق غربه فرحة في لقاك
يا هلا بك حضور في غيابه ذنوب
ومرحبا بك وصال مايرده جفاك
كل هم بشوفك يا حبيبي يذوب
راح ما كنه اللي ساقني للهلاك
كل جرح غيابك سبته للغروب
دام نورك تهيا يا حبيبي فداك
وكل دمع فراقك منجمه للنضوب
غالي الدمع لكن مايساوي غلاك
آه يابدر الليالي لليالي قلوب
وقف النبض فيها من تعذر مساك
ضيع الدرب قلب وانكرتني الدروب
والحقيقة جفيته كل درب خذاك
رحت عنه حبيبي عاشق لك طروب
قلب منهو يحبك ماتهنى بلاك
من تحمل غيابك يشهد الله كذوب
من تهون بعيونه سفرتك ماهواك
انشد اللي فراقك علمه مايتوب
لو تعذب فؤاد مسرف في رجاك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.