كم كنت اعاني - منصور الرمالي

كم كنت أعاني .. وكم أنا كنت أخفّي
وكم اشتكى قلبي وانا اقول خفّه

أدري لو أني قلت .. ما أحدٍ بصفّي
الحظ عاند .. والزمن صار صفّه

كم واحدٍ له شَفّ يشبه لشَفّي
وحال الزمن بينه وما بين شَفّه

من ضيم وقتي .. جاني اللي يكفّي
ياخذ ولا مدّت لي الخير كفّه

وقتٍ كتب ( لا..للفَرحْ ) في ملفّي
واحدٍ كتب ( خذ ما تبي ) في ملفّه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر