فضحني الشوق

الصدر محل غرام..ومرتوي صده
والعين غصن السهر فيها ثنى عوده

لولاي رحل محد وايق على سده
فضحني الشوق في باسه ومجهوده

ادلّه البال بين الضيق والشده
الوقت دوّار...والاعمار محدوده

لو كل واحد يجي وده على وده
ماطل صبر العقيم لشوف مولوده

راعي القناعه ليا من الزمن حده
يرضى بحظ ذخر جوده وماجوده

يابيض الاحلام لاتمسين مسوده
بشايك في نواصي الخير معقوده

حي الله اللي عليه القلب من مده
كنه سحاب يمد يديه للسوده

ابطى وحس الضلوع يقول لابده
رجله على الدرب!!وعيونه على العوده

اي بالله اقبل جفول الريم من قده
يشيل روض الجمال بكامل وروده

كنه بيجزم وله!!وانا على حده
واغضيت شوفي في يمين شوي....ياكوده

اليا تمثنى قفص صدري ولا رده
ماياخذ القلب في رمحين من سوده!!

اللي قلوب اكثر والعشاق في يده
تسعى لغاياته..وتطمح لمقصدوه

لوكان ماهيب ورث ابوه عن جده
لكنها كسب حجانه وعنقوده

سلمته الروح واغليته على البده
يرعا مفالي حشاي..ويارد عدوده

من كثر ما اتوق له واغليته وا اوده
تنقص مقامات كل الغيد من زوده

عليه الاشواق..محتره ومبرده
ويلي على نفحه النسناس من نوده

ماوالله اقسى على العشاق من الصده
الا ان كبده بحد الموس مقدوده

لكنه العشق لامن زاد عن حده
ياكثر ماياخذ!!وياقل مردوده

فيه التناقض وجمع الضد مع ضده
حاجات معدومه وحاجات موجوده

الله عطى ( السوده) اللي ماعطا(جده)
والله عطا(جده) اللي ماعطى السوده

بواسطة العضو: فهد الخرجي