مظلومه

لـ مطلق بن شويه، ، بواسطة فهد الخرجي، في غير مُحدد

مظلومه - مطلق بن شويه

فالبال بنتٍ عجزت أسج وأنساها
حروفها في جدار القلب مرسومه

من ( ليلة وصالها ) لا ( يوم فرقاها )
ميلاد حبٍ عسى يومي قبل يومه

لجل رضاها رهنت العمر ( لرضاها )
والا البشر بالبشر ماهيب ملزومه

فرعونة الحسن .. من فدوة محياها
حياة روحٍ على روحين مقسومه

تربّت ( بحضن ) شايبها .. وخلاها
( من عمرها يوم ) .. دلوعه ومحشومه

محد يتجراء يحاسبها على على اخطاها
دايم تجي ظالمه وتروح ( مظلومه )

ما همها لو تصير آخر ضحاياها
نفسٍ من الصبر والسلوان محرومه

يجنح بي الشوق .. واعود ( لذكراها )
لعل يسقي زمان الوصل ديمومه

غنيت ( دنيا حظوظ ) وحظي اسواها
حتى يدلك وأنا في سابع النومه

لازارني زاير الفجر ( بهداياها )
يدركني الصبح قدام آخذ علومه

فهد الخرجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر