باسم الله المعبود رب السموات - مسفر ال مخلص

باسم الله المعبود رب السموات
الواحد اللي كلنا نرتجي له

من بعد ذكره ودي اكتب لي ابيات
الدرب سمح والمعاني جزيلة

اصون قافي لايجيه انتقادات
واتعب على الجزلة واخلي الهزيلة

اما يكن الشعر في الصددر بسكات
ولا يغنى فوق راس الطويلة

والشعر لو قرب طوال المسافات
مايجعل اليمنى القصيرة طويلة

كلن يدور من ورا الشعر غايات
وكلن على ماقيل قلبه دليله

والشعر موهبة الولي عالم الذات
كم شاعر يرفع بشعره قبيلة

ماهوب سلعة وسط سوق البضاعات
الشعر من ضمن العوايد الاصلية

اما يجي تأثير بالقلب وآهات
ولايجي اعجاب الخليل بخليله

والوقت يمشي والعمر له محطات
وفي الاخرة كلن يلاقي حصيله

لكن على الدنيا علوم ووقفات
بين الرجال اهل السلوم النبيلة

خطلان الايدي كاسبين الجمالات
وافعالهم تروي السيوف الصقيلة

على العدا ترسل سهوم وغارات
ولربوعهم مثل القصور الظليلة

هذا الرجال اللي عليها الحسابات
لما قدح خشم الزند باالفتيله

يبنون رفقتهم على بيض نيات
طيب وتقدير وعز وجميلة

ماهي برفقة كيف حالك سلامات
اللي تغير بين يوم وليلة

رفقة سهم ولا مصالح عقارات
الله يغربل هازعين الجديلة

مالي ومال محسبين الخسارات
دام الحمل قدمه جمال تشيله

مثايل تضرب بليا قياسات
ولا فانا من روس يام الجليلة

اللي لهم في سالف الوقت جولات
قوم مهي ترضى بكسب القليلة

وان جا الوغا تارد لحوض المنيات
تصدق مثل صادق حقوق المخيلة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر