ضاع بالمهمهية

عديت في راس الطويله وغنيت
طرق ٍعلى المسحوب وقت العشيّه

في راسها عديت واقبلت واقفيت
ارض ٍ خلا من خلق ربي خليه

وهاضت هجوسي بالقوافي وسويت
جزل البيوت اللي لها قابليه

مما طرالي قلت ياليت ياليت
وقت ٍ مضى بالحال يرجع عليّه

وقت ٍ مضى مع كامل الزين والصيت
اللي بكل الناس مابه حليّه

يالله ياللي فارضن حجةالبيت
ياعالم المكنون في كل شيّه

إلطف بقلبن حرقته التناهيت
وتلعب به الافكار روحه جيّه

من كثر ما اعاني من البعد ونيت
ونّه لها فالقلب خمسين كيّه)

طافت سنه يا ناعم الخد ماجيت
طال انتظاري واشتياقي قويّه

من كثر شوقي لك تشتتت تشتيت
كني مسافر ضاع فالمهمهيّه

انت الغلا في داخل القلب حليت
ولو تطلب اعيوني تجي لك هديه

فدوة اعيونك ماجمعت وتمنيت
اي والذي كوّن محبتك فيّه