ياالله في حسـن العمـل والعقيـده - محمد عباس الطريفي

ياالله في حسن العمل والعقيده
ياواحد حكمه على الكاف والنون

ومن بعدها نظم البيوت الفريده
شاعر ولي في الشعر مبدا وقانون

وترى الكلام الجزل روح القصيده
لاصار معناها مكلف وموزون

واليوم كلن قام يومي بييده
ويقول انا شاعر على ماتحبون

دايم مع العربان يشعب معيده
لاهوب لاصاحي ولاهوب مجنون

وسط المجالس حط نفسه وليده
ويقول انا اللي مابعد خلق في الكون

ويجيب شي ماتعرف تحدبده
واحدن فطن واحدن على مايقولون

مافيه لاميزت جمله مفيده
ولافيه لامعنى ولافيه مضمون

والى انتهى ماعاد ودك يعيده
على فمه ودك تركب شطرطون

والشعر صارت ذبحته في وريده
تكفون ياالعراف تكفون تكفون

واكبر دليل اللي نشر في الجريده
الشعر عود لعب وافلام كرتون

والفرق شاسع بين شوقب وبيده
لكن وين العالم اللي يعدلون

من دون قاصر في رجال عديده
اللي اذا جات اللوازم يسدون

اهل المعرفه والعقول الرشيده
ياالله عسى اهل العرفه مايقلون

© 2024 - موقع الشعر