ياالله ياوالي ذنوبي تزيلها
ياواحدٍ تحي الشجر من مخيلها
بقدرتك تامر وتعطي وتنها
ياجابر المكسور مشفي عليلها
من باب جودك يا إلهي تجيرني
عن الناريوم الحشر كلٍ يجيلها
امام رب الكون والكل شاخص
ٍ ماعاد عنده حيلةًٍ يلتجي لها
تحشرجميع الخلق فا لماقف الذي
فيه الحساب وكل نفس وحصيلها
سيه بسيه وكل حسنه بمثلها
تدبل ويحصا دقها مع جليلها
تحصى البشر والنفس تلقا مقرها
بجنات واللانار يرعب شعيلها
ومن بعد هذا اهدي نصيحه المستمع
عسى لبيب القلب يفهم دليلها
عسى لبيب القلب يفهم بشرحها
ويعمل ليا سمع المعاني بقيلها
الاوله شهادة الله إلهنا
فردن صمد يحي النفوس ويزيلها
والثانيه صل الفرايض بوقتها
حذرى تنقص ركنهاوتهليلها
والثالثه زكات مالك تسوقها
بالك تنقص يا فتى الجود كيلها
والرابعه تصوم شهرن مفضل
جعلك توافق ليلتٍ تحتسيلها
والخامسه حجه اليا صرقادرً
للكعبه اللي كل مسلم يجيلها
والوالدين الهم حقوقً على ابنهم
لوهي ثقيله لازم انه يشيلها
امك ليا صا بك مصيبه تشوفها
تنوح والعالم نيامن بليلها
لوكان تسهر كل ليلك امن اجلها
الربع منت بواصله من جميلها
والضيف هووالجار وصابه النبي
نبينا المختار هو خير جيلها
وصبرً على الشدات تلقا عواقبه
فيه الفرج من عند منشي مخيلها
وهرج القفا والكذب جنب طرايقه
مالك ومال الناس جنب سبيلها
والنفس في شهواتها لاتطيعها
ناسٍ تطيع نفوسها عزتي لها
لياطعتهاترميك في غبت الجهل
خدوع ترمي فا لمهالك عميلها
دنياك يامغرور تطحن لك الرحا
لياهاجمت ملزوم تطرح قبيلها
لوكان هي تصفي ليالٍ من الرمن
ياسرع ماتقلب على الناس ميلها
لاخير فالدنيا ليا صار طبعها
تسقيك من عقب الحلا حنضليلها
اغنم النفسك فرصةٍ لاتفوتها
نفس الفتى لابدياتي رحيلها
كم واحدن يابكون فقده قرايبه
فالحفره اللي حط فوقه نثيلها
وين الرجال اللي لها الجود والثنا
ونجورها فالليل يجذب عويلها
ذاقو من الدنيا حلاها ومرها
وراحوولاحدن سالم ٍ من غليلها
راحو عن الدنيا وهلها ولابقا
سواء الدارخالٍ عقبهامن نزيلها
دربن مشوبه قبلنا هومصيرنا
ولاغافلٍ في وقته الا هبيلها
فكربقولي يافتى الجود وانتبه
يكفيك عن كثر السوالف قليلها
واباختم كلامي مثل ماقلت مبتدي
ياالله يا والي ذنوبي تزيلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين