المارد الشعري ليا غاب والاحضر
حضروها على يديه ويزتها
الله يقطع هل الدمام ياهل الخبر
وعدت ابو ريوف بزياره ولا زرتها
ياريوف ليل المواجه قدر والاسهر
لو انها بختياري ماتخيرتها
وانا فراسي قصيده تدهر من ظهر
واخاف عيني تغمض مابعد قلتها
مادري من العيد والبرقع وسوق الجبر
والا من الجادل اللي يوم عينتها
رموشها تدهر جديلها يدهر
وثيابها كل ماهب الهواء بختها
ماهيب شي من الفتنه ولاهي بكر
لكنها من غلاها لي تباكرتها
وردوفها رفرف الجمس الجديد الحمر
مستعمله بس لي ذلحين ماسقتها
لي احزنش عيني اللي دمعها منهمر
اناعيوني على الهجران عودتها
والليله اللي تمر ومايجي لش ذكر
تمر وتمر لكن مابعد نلتها
حتى لو اغمض عيوني غرور وكبر
العين ماهي تمثلني لاغمضتها
قالو لي اخذ اختها قلت المرابع دهر
ماهي ببلغا ولكني تبالغتها
امحق سنه عاد قلبي فيش وامحق شهر
مافيه مره بعد فرقاش ماذقتها
وانا على شانش ازعل حكومة قطر
عجمي وقلبي خبل لابعتها بعتها
ان سولفت سولفت لكن بالمختصر
كنها تضامن مع البكمان في صمتها
اليااضحكت قلت ياربي عليك الصبر
واليا بكت قلت ياربي ماصبرتها
حورية (ن)من هل الجنه وفيها حور
طاحت من الجنه الخضراءوعينتها
ياقلها يوم الد العين يم الخصر
وليا تعديت قلتها تكاثرتها
الخيل والليل والبيدا ووجه الفقر
تطيح من عيني اليسرى لاناظرتها
الله خلقها بشر لكن غير البشر
الناس من تحتها والارض من تحتها
حتى هل الطائف اللي كل ليله مطر
كني مصيف بجوه لاتحضنتها
اليا اقبلت كنها الارهاق بعد السفر
متثيقله من سحاء ولي تثيقلتها
يدفها الشوق دف العاصفه لشجر
تميل وتميل لكن تستحسن لاعدلتها
ساعة ماتزعل كنه زعلان منك بشر
ياجعلك تموت يامحمد مازعلتها
قالت انا الحمدلله والثناء والشكر
قلت انتي اللقمه الي مابعد كلتها
قالت انا الموت قلت انتي عذاب القبر
قالت لابالله يابن الذيب مصختها
الله عطاها شرف مريم وتقوى عمر
وانا ليا ذعذع الغربي توسدتها
بس اعذروني لي غنيت ياهل قطر
الله يغفر ذنوبي يوم حللتها
ماهوب جنون الغنم ولا جنون البقر
شاعر وعندي قصيده زينه وقلتها
قولو لها لاترويني نجوم الظهر
اما ترد الخبر والا عشقت اختها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر