للمعرفه وضع وقوانين وأشراط - محمد بن دغيـّم السميري

محمد بن دغيّم السميري العتيبي
للمعرفه وضع وقوانين وأشراط

عند الرجال الواعيه تشترطها
والهرج له عندي معايير ونقاط

والكلمه أعرف صحّها من غلطها
وانا ما أزل ومن هل الزلّه أحتاط

ولا أسفط الزلّه لمن لا صفطها
ولاني لبعضات المجالس بهباّط

بعض المجالس خاسراً من هبطها
ولا ني بمثل اللي للاشجار خبّاط

يدري أن مافيها ورق ويخبطها
قطعت في الدّنيا اربعين من الاشواط

وعارضت تيّار الحياه وشططها
ولا نيب لاصحاب الملايين غبّاط

قلي على أي أساس يوم إنغبطها
مادامت الدنيا لموسى والاسباط

ونوح إرتحل عقب الف عامٍ صفطها
والمصطفى اللي غضب من ذات الانواط

لو شاف فيها فايده مالفطها
دنياك ماتسوى ولو ربع قيراط

قص الدّروب اللي تنجّي وعطها
ما مقصدي محبط ولا حولي إحباط

ولا ضقت من هم الحياه ونمطها
ولا ني بمتشدّد ولا أحب الافراط

وأخذت من خيرة أموري وسطها
قال النبي خير الامور التّوسّاط

وهو قدوتي ودروبه أتبع إخططها
والناس كلٍ له هوايات وأنماط

أحدٍ ضبط نفسه وأحد ماضبطها
وأحدٍ لحق الناس ماهو بغمّاط

وأحدٍ حقوق المسلمين إيغمطها
وأحدٍ يمينه خايطٍ فوقها أخياط

وأحدٍ يمينه للمكارم بسطها
وبعض العرب ودّك تحط إلهم إرباط

الزّمره اللي رابحٍ من ربطها
وألا على الشعله تشيّطهم إشياط

والا بخضر الخيزران إتعبطها
الزّمره اللي كنّهم هاتف إسقاط

التّايعه والضّايعه يلتقطها
ملقّطين وكل لقطه إللقاط

لقايطٍ لا رحم أبو من لقطها
حلقوم واحدهم على شكل شفّاط

ولو الجبال السود قدمه شفطها
مهين حلاّف إيتمحّط تمحّاط

والموبقات المهلكات إعتبطها
وهألنّوع ماله مع هل العرف مقلاط

مير الحروف اليوم شيلت إنقطها
اليوم يناير وكانون وشباط

صارت سوا مدري وش اللي خلطها
© 2023 - موقع الشعر