مره من المرات دق التلفون

مره من المرات دق التلفون
رديت ما عرف راعي الرقم من وين

قال السلام وقلت مردود مليون
من انت ياللي تتصل من معي مين

قال اصبر وتاخذ من الهرج مضمون
حاضر بحاضر تاخذ العلم ذالحين

قلت ارفق ارفق بتسمّع على هون
علمني باسمك قبل كل المضامين

قال اسمع اسمع ما بقى فيه مكنون
هاذي ثلاث سنين ما شافتك عين

ترالك مع بعض المخاليق مديون
لا يا محمد كيف ما تقضي الدين

قلت السموحه ما عرفك وانت مجنون
ذكرني وتبشر بكل البراهين

قال العفو وشلون_ وشلون_ وشلون
انا اللي استاهل عقب نازح البين

كان الك قلب وراس ويدين وعيون
انشد وتلقاني على الزين والشين

وقفل ولا زلت اجهله فالتلفون
ياربي اللي دق من وين من وين