لـــحــــظــــة ودااااااع - محمد الحمراني

ياموادع هل ترى وش صار كيف
كيف صبري يحتمل بعد وغياب

حالتي صعبه وانا وضعي مخيف
بين تيار الحزن والاكتئاب

كم اعاني لا ذكرت اغلى وليف
والحزن يطرق علي من كل باب

ان طرالي صاحب الحس الرهيف
قلت يمكن حق في غيابه عذاب

من رحل عني وانا حالي نحيف
صارت الذكرى لها عندي جواب

ودعتني وانسكب دمعي ذريف
ومن عقبها عفت زادي والشراب

يوم قفت قلت يالله اللطيف
غيبت عني ذهاب بلا إياب

مابقى إلا حلمها بالليل طيف
كل ماقرب يبتعد مثل السراب

بالحلى وزين مامثله وصيف
لانظرته أنجلى همي وغاب

اقبلي يازين والنظره تضيف
اسعد الايام واحلام الشباب

لمي الفرحه على القلب الصخيف
وإفرحي مدام للهم اغتراب

اسقي العطشان من نبع ٍ نظيف
وإقطفي للقلب ما لذا وطاب

عالجيلي الجرح لاصابه نزيف
وإتعبي لا صار في جوي ضباب

ياغناتي لاتحسب اني ضعيف
كل جرح ٍ من جروح الحب طاب

الغلا في القلب لو مايشاف شيف
والمشاعر كلها حب وعتاب

ياموادع هل ترى وش صار كيف
كيف صبري يحتمل بعد وغياب

© 2024 - موقع الشعر