وين انت ياطاروووق شعري تغنيت
ابطرق القيفان مادمت حيا
في ضامري انت السبب لوتباطيت
محتاج لك في كل صبح وعشيا
من وين مالديت وجهك وقفيت
ازعل على فرقاك والحق ليا
دنيا غريبه من سببها توذيت
ومن اجلها صارت حياتي شقيا
مدامني في واقع الحزن مريت
اكيد يبقا خافقي لك ضحيا
الله واكبر يازمن ويش سويت
خليتني مابين روحه وجيا
اتعبتني وانا من الهم عانيت
وشفيك تقسى يا زمانى عليا
اخذت افكر كل ماصبحت ومسيت
فكرت في دنيا(ن) علينا دنيا
اليا طرالي هاجس الفكر سجيت
اسهرت عيني لو منامي تهيا
اقلب اوجاع الزمن وان تهقويت
كني احس الحظ نيته نيا
مره يكدر خاطرى لاتهنيت
ومره مع الشدات يصبح خويا
وانا مع صدوف الليالي تعنيت
اعانق هموم الزمان الخفيا
صار الردى فى هالزمن طيب الصيت
الي فعوله كلبوها رديا
وصار الشلي ماله مع الناس تصويت
حتى لو ان طيبه تعدا الثريا
يقطعك ياوقت ٍ عليه التثابيت
عيا يثيب اهل الكرم والحميا
ياليت ينصف واقع اليوم ياليت
اهل الردى والطيب ماهم سويا
تصفي لنا الدنيا على ماتمنيت
وتبقى لنا الايام عيشه هنيا
عهدن علي ماخاوي الاش والهيت
وانا اعتبرها فى حياتى وصيا
المرجله بيتي وفيها تربيت
ان رحت منها هناك ولا هنيا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.