ياشاكيٍ ضيم الدهر نام ورتاح
واصبر على الشدات خلك بتوعي
بدل دموع الحزن ياشيخ بفراح
وخل الفرح يجتاز كل الربوعي
اناس صارت تقلب الجد بمزاح
ماتستحي قدام كل الجموعي
وناسٍ تنكد سعد الايام بجراح
وكلن على طبعه يفك النزوعي
دنيا يضيق بها البشر وين ماراح
ويشل همه بين حدب الضلوعي
اول شبابه بين سايح وسواح
واخر شبابه صار همه يروعي
قعدت الابس ماضي الوقت بوشاح
واصور الزوال البشر كم نوعي
حتى لقيت الفرق والبال منساح
الفرق واضح كان قلبك قنوعي
دونتها في دفتري والحبر ساح
يبكي على وقتن مضى بدموعي
نويت ابهجر حاضر الوقت وجتاح
واودع فراق الزمن بشموعي
هذي كذا الدنيا والايام تنزاح
تخضعك لو كان قلبك قطوعي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.