الليل بارد - محماس العضياني

الليل بارد ياسعد والهوى صلف
ياشين في سمع الشقاوي وحيفه

عايش معي صوت الهوى الصلف
واستلفبرقٍ سرى يجلا الظلام برفيفه

كنه ينادمني بضوحه يقول الف
وانا عليه عروق كبدي صخيفه

سقوى ليا قالوا للاول وللخلف
الماء نقع والنبت مثل القطيفه

ودكت سهاف القود مع دقت السلف
شريق والراعي تقلل عسيفه

اليا استوا نوم العماهيج والجلف
نطربلها لو هي علينا كليفه

ليا جت مع البيدا تخازر من الولف
نهار قامتها قليل وصيفه

في ماقعٍ مايدهله راعي الضلف
دوني عروق ومن ورايه حتيفه

يازين نطل اللقح فالروض والخلف
والجو هادي والنواحي مريفه

بربوع دارٍ مانزلنابها حلف
دار السعود اهل الفعول العنيفه

اللي خذوها يوم الافعال بالشلف
وحموا حماها بالسيوف الرهيفه

ناخذ بها سجات والا الدهر كلف
مهما تمد النا الليالي قصيفه

والمال زايل مير مليون والا الف
ينفد ويبقى ماكتب فالصحيفه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر