لو لك خفوق يحبني ويكره بكاي
ماكان شفتك تستلذ بعذابي

ولولك عيون(ن)يدمعن يوم فرقاي
ياكود تلعن أبو ساعة غيابي

ولولك مشاعر صادقة تحس شكواي
سيف القهر يامعذبي ماسطابي

لكن بعيد بهاجسك غامض الراي
ياكم تمنيتك عسى تحس مابي

لاجيت اعاتب يبعدني نواياي
حبيب قلبي مايهزك عتابي

ولاجيت ابي اشكيلك وانا تنزف دماي
تضحك وانا يطير بهدوءك صوابي

ياما عطيتك من اطباعي ومزاياي
يومك على اضفاف المعاليج رابي

وعجزت تظهر لي على كيف مشهاي
وعجزت انا اصبر لين جرحي غدابي

لو ما تكون عيونك السود منفاي
والله لأبعد لين اطول السرابي

خليك هادي وبارد(ن)حيل وياي
وانا اتكوى وهاجسك ما درابي

باكر تعض يدّك ندم والزمن جاي
تاشوف وشلون اتحلّى بعذابي


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر