لاتقطع اّلاّمال كان الهجر طال
باكر اجيلك حلم صاحي وموعود

واجيك انا فوق ابيض الخيل خيال
واجيك فجر(ن)للشمس قاطع وعود

اطوي الدرب والقاك كلك على البال
واشرب سمارك كذبة(ن)ما بها زود

من لوعتي ظنيت غيم(ن)ظوى ظلال
مالي مقيل بخاطرك ليّن العود

أول طريقي صاحبي حالتي حال
وآخر طريقي صرختي صوت بارود

شكيت جرحي للمسا والمسا طال
يالين شفت بمبسمك ينبت ورود

وشفت القوافل سيّدي فيك تختال
وداخل عيونك شوق لا ماله حدود

لو كانت الغربة شقا دروب وجبال
ما كان هلت دمعتي وانت موجود

لاما نسيتك أنت عمري والآمال
لآخر حياتي لو غبت يمك اعود

جرح التغرّب للمتيّم غدى هبال
جنّيت فاقد شوفة عيونك السود


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر