العيد باكر

لـ ، ، في المناسبات والاعياد، آخر تحديث :

العيد باكر اسعد الله ممساك
والله مدري وين خد لمسته

وين انت ياللي عيدنا في محياك
كف القدر من ضيقة الخلق بسته

من يوم مالوحت لي كف يمناك
لليوم دمعي بالخفا ماحبسته

ومن يوم ماذوقتني حر فرقاك
والياس زرعه في حياتي غرسته

شريت لي ثوب على شان لقياك
والثوب راحت موضته مالبسته

وشريت عطر مازهاني بلياك
اربع سنين بعلبته مالمسته

ودفتر قصيد كل يوم يترجاك
مافيه يوم ماسهرت ودرسته


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر