العيد باكر

العيد باكر اسعد الله ممساك
والله مدري وين خد لمسته

وين انت ياللي عيدنا في محياك
كف القدر من ضيقة الخلق بسته

من يوم مالوحت لي كف يمناك
لليوم دمعي بالخفا ماحبسته

ومن يوم ماذوقتني حر فرقاك
والياس زرعه في حياتي غرسته

شريت لي ثوب على شان لقياك
والثوب راحت موضته مالبسته

وشريت عطر مازهاني بلياك
اربع سنين بعلبته مالمسته

ودفتر قصيد كل يوم يترجاك
مافيه يوم ماسهرت ودرسته