لو كنت شايب ماحفظ قدرك الشيب
لا صار قدرك مايحفظة لسانك
اما حفظ قدر اللحى ولأشانيب
ولا على ماقيل هنته وهانك
يموت جوع الذيب ماياكل الذيب
اعرف ترا قالوا لسانك حصانك
لاصار تجهل في سلوم الاجانيب
لا تامن الزله من اللي وزانك
هذا الكلام اللي عليه التجاريب
ياهيه لا تحسبك عنتر زمانك
كانك حصان افهم ترا الطيب بالطيب
والا ترا والله لشده عنانك
فرّق مابين الطيب والخبث والعيب
لاتحسبن الناس من شان شانك
والهرج ينطق دون وعيٍ وترتيب
ماهو عذر تقول تعبير خانك
ما من ورا بعض الدعاوي مكاسيب
احسب حسابك قبل عضة بنانك
ولاني على ربعي قريب محاضيب
شطرٍ للافي مار قلته عشانك
انكنت حرٍ ماكره فالمراقيب
لا يصير بكره منزلك في طمانك
ولا يعلم المخلوق مايخفي الغيب
والضامن الله وانت ماعرف ضمانك
مار الاكيد ان الرصاص المكاذيب
اليا بدا لازمك فالوقت خانك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين