لاغدى حصانك كديش

يا فهد خل البشر بأحوالها"
"خلها بأحوالها بالك تشيش

خلها تطرب على موالها"
"لايغرك كلمة(ن) من راس ديش

كم رجال(ن) تاكلك بأقوالها"
"قولها يزرع لك الصحرا حشيش

ولو تفتّش في صميم أفعالها"
"يطلع الرجال منهم كوم ريش

مرجله (بشماغها) وعقالها"
"والقصر يهدم اذا ساسه هشيش

ساسها سبة رداة اعمالها"
"ومن تمعّن بالسبب ما قال ليش

المره لامن عصت رجالها "
"لاتحاسب بالعيال اللي يطيش

ياخذ الطبع الرديّ عيالها "
"ومن زرع له شوك ما يجنيه عيش

ماعلي ان كان زاد هبالها"
"وايش يعني لو يزيد الهرج ايش

من بغى نجمة سما ماطالها"
"ومن نصى المطران ما ذم الدويش

يافهد دام الحكي منوالها "
"والسوالف كلبوها تيش ريش

ساير الدنيا عدل وابرالها "
"دنيه و حتى المثل فيها غشيش

كلمة و عاتب على اللي قالها"
"قالها وصارت مثل معنا يعيش

من يقول الخيل من خيالها"
"وش تسوي لاغدى حصانك كديش