تهيّض اللي بدا روس المشاريفي
ماله جدا كود جر الصوت بلحونه

ليته درى وش جرالي مكرم الضيفي
راع أم سمنه يشوف الحال وشلونه

ريّس عتيبه من الحرّه ليا السيفي
يتلى مثل يوم أبوه الناس يتلونه

ومن يفهم الجدي مايحتاج توصيفي
الناس لو تختلف مايختلف لونه

ياأهل الركايب بعيدات المناكيفي
راع أم سمنه مساكم لاتعدّونه

البن والهيل بدلالٍ مهاديفي
وماشافت العين ملزوم ٍ تشوفونه

ومفطّحات ٍ تجي من غير تكليفي
للضيف والجار كل الوقت مضمونه

الريف ريف العرب ومشاهده ريفي
ريف الركايب ليا أخطى الوسم قانونه

ياليتني رحت مع ماجد على كيفي
لو يزعل الفوج والراتب يخصمونه


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر