باقة زهور - فيصل السواط
مرّه وانا ماشي وادوّر للأمل نقطة عبور والعب بقلبي في جديل الليل واشوف النهارواهيم في سيد العذارى والرسايل والعطور وكيلة الحسن الطبيعي في زمان الإحتكاروامسح كباير شرهة الغيّاب في دقن الحضور واحمّي ادلال الوصل على لهيب الإنتظارقابلت لي رجّال شايب جرّب الدنيا دهور قلت انشده والفايده تجي من الناس الكبارياعم عطني من تجارب رحلتك باقة زهور قدّام لا يمضي علي العمر..ويفوت القطارقال اسمع الله لا يهينك وانت ما حولك قصور لكنّ عيبك تخنق العبرات..وتعيش بحصارودّك يبيّن في وجيه الناس ما تخفي الصدور وتُفرض عليك الإنعزاليه بروح الإنكسارإمّا تحمّل مايجيك امن البشر وابقى صبور ولاّ تحمّل مايعقّبه الغضب والإنفجاروان طعتني خلّي علاقاتك مع العالم تدور حول الحديث اللي مراده(لاضرر ولاضرار)أي لاقريب ولا بعيد ولا خفيف ولا فتور وتشوف لك عند العرب هيبه وتقدير ووقارواسعى لتعزيز الثقه..واحذر مخاليب الغرور والإحترام الإحترام يليّن قلوب الحجاروإعلم وانا عمّك ترى سرّ السعاده والسرور اذا عرفت ان الحكايه كلها..جنه وناريانار كبرى..فآخر المشوار..ياجنّات حور وانت الوحيد اللي فقط مسؤول عن صنع القراريارب عفوك ياكريم ورحمتك يوم النشور ساعة يفوز اهل اليمين..ويخسرون اهل اليسارأمّا الأمور اللي تعلّمنا على بعض الأمور خذها من اللي لفّ فالدنيا على رجله ودارالجهل آفه للعقل..والعلم نورٍ فوق نور والدين رشفة سلسبيل يعين وقت الإحتضاروالصبر مفتاح الفرج..والحقد مدعاة النفور والصدق منجاه..وحبال الكذب للكاذب قصاروالظلم يثبت إن الارض تدور..والدنيا تثور والشاهد اقرا في هدب صدّام ذلّ الإنهيارولو كان مال الظلم ردّة فعل..وعروقٍ تفور ماكانت اسرائيل تبني حول دولتها جداروالعشق حالة إندفاع مخزّنه في اللاشعور بين الهزيمه فالعزيمه.. والرجا فالانتصاروالفقر فالنفس الذليله..والغنى غنى الشعور والبخل لعيون الإهانه..والكرم للإفتخاروامن اصغر خيام البدو ..لين اكبر كبار القصور مايملي عيون البنادم غير ذرات الغباروالمرجله حظ النقيّ العاقل القرم الجسور والسرج ما يركب على ظهر ال ابن الوالمشيخه ماهي عشا ولاّ غدا ولاّ فطور حملٍ على كاهل هل المعروف وطوال العماروالمنصب اللي ما يخلّي في بني عمك فخور ماكنّه الا شجرةٍ خضرا ولا منها ثمارهذي علوم الشايب اللي ما لقى ..نقطة عبور في عالم يغنّي(كلام الليل يمحوه النهار)واللي يبا الشايب يروّح له معه باقة زهور الدور الاول..عنبر احدعشر..في مستشفى شهار
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.