مافقدتـك لكـن انـه غيابـك مهزلـه

مافقدتك لكن انه غيابك مهزله
لما يتكاثر شعورى بغفله تنطفين

ليه ماقلتى من اول بانك مهمله
كان والله / ماهديتك انا قلب وحنين

كان كابوسٍيقلب منامى واخذله
وانتى اجمل حلم مر ف حياتى من سنين

الزمان عيونك اللى هدتنى منزله
والمكان / يغور لما اشوفك تزعلين

كنت اجهل ويش يعنى غرام ومن هله
لين صرت استاذ عشقٍلكل الحالمين

كنت الوم اللى حكالى / والومه وازعله
يوم يقلب دفتر / العشق اناظر مستهين

كنت اقول العشق ماله رجل بالمرجله
قال نص الكون كله / تراهم عاشقين

اسئله / مرت ف بالى وياهى اسئله
ناس طاحت من عيونى / وكنتى تكبرين

كل شىٍكان حولى لعينك اجهله
كنت اشك / بكل شىٍ ولكنك يقين

تذكرى يوم لمحتك / وكنتى مقبله
ادرى انك/ شى عادى ولكنه ثمين

شفتى / وشلون الحكايه وجيتى مدلله
شفتى ان الصدفه كنزٍ / ورحتى تضحكين

قمت اميز / كل الاشيا وكنك بوصله
وكنت اول مااميز يسارى عن يمين

حتى اسم الورد والله شعورى بلله
جيت اعددلك / اسامى وكنتى تحفظين

مارغريتا اوركيديا ولوتس وامثله
وانتى والله كان همك تشمى ياسمين

احترفت الرسم / ياهو طموحى غربله
ارسمك لوحات وانتى تجين تشخبطين

فى غيابك حتى سرب الحروف استعجله
خاف ماكتب لى شطر ثم عاد **ارقين

كان موعدنا يشكل قلق / واتحمله
كنت اسولفلى وشكلى انا الليله حزين

كنت احاتى فى غيابك حضورك مسأله
التناقض / حيل يوجع تجين وماتجين

ناس من حولى تسولف من اللى بهذله
كنت اسمعهم / واطنش واتمتم يامعين

اتحلف بك وهين وش اللى اعمله
وكنت اطبخ فى مكانى ياليتك تظهرين

يوم غاب / النور وانتى تجين معدله
العطر يسبقك /يمى ولا تستوعبين

لين جيتى / ثم طخيت ياهى مرحله
اثر الانثى /حيل تسحر وكم قاسي يلين

ياعيونى تذكرين السنين الاوله
منهو فينا كان الاول / وكنتى تسبقين

كنت اقول /احلا احبك وكانت مذهله
لنك بمسرح حياتى عرفتى تبدعين

فى جهاتى رفرفت / لك عصافير الوله
وكل الاغصان اتمايل/ اذا هب الحنين

كنا /نبحر بالمراكب ولابه مشكله
غير كانت هى يدينا تجدف / بالسفين

والشعور اللى حبسته ف قلبى مزهمله
لاعيون الناس **تح هدبها وتهربين

كنت احس الغيم / والشعر لى فيهم صله
لما يمطرلى /حديهم ف بالى تنبتين

ياجنونى / كل صعبٍ انا مستسهله
وكل سهل استصعبه والحسد له الف عين

يعنى لو مرت سنينى سرابٍ ممحله
ال**اؤل فينى غيمه/ وربى لى عوين

ماحسبت حساب وقتى مدامك اجمله
البشر من حولى اقزام /ولاحولك يدين

لاسمعت ان حاسدى فى كلامه حنظله
اسمعه لنى تشربت /مرك يالسنين

لاتنفس اى /انسان بلفظ ستحمله
لأجل /عينك اذن من طين واذنٍ من عجين

والشعر يبقا/فضاهم وانا جيت اسفله
لانى حر وكل حرٍيبى صيدٍ ثمين

فايز الزعل