ول ياغصن ورد ٍ فوقه الورد مال - غير معروف

ول ياغصن ورد ٍ فوقه الورد مال
قام مع رايح النسمات يمي يميل

فاضح ٍ ذنبه العذري حرام وحلال
والمحبه على أوراقه تحط وتشيل

جاذب ٍ له غرامي من معاليق بال
دلو شوق ٍ تعلق في رشاه الطويل

كل ماجيت أبدله زارني فالخيال
وأبحر بذكرياتي معه فأطياف ليل

لين ألاقيه في دنيا السحر والجمال
وألتجي له من الفرقا والأشواق حيل

ألتجيله وأثرني غارقٍ فالضلال
مع تواهيم طيفه واللقا والرحيل

أبو خد ٍ فتق نوره ضلام الليال
نور عيني ولا له فالخلايق مثيل

دنقت له ضلاعين الخفوق الطوال
لين سلطان قلبي صار عبدٍ ذليل

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر