صدام حسين وشعراء القلطه - عناد المطيري

الله على اعلام من غلطه ورا غلطه
يجّرنا للضياع ويبني اركانه

مايدري إنّا نعرف اسرار هالخلطه
لوإننا ناس مجهوله وتعبانه

سوّا مثل ما يسوّي شاعر القلطه
ما عنده افكار بس الجيب مليانه

من كثر كذبه حصل بعقولنا جلطه
ما عاد يعني لنا كذبه وبهتانه

طبّل لصدام يوم انه على السلطه
واخلف كلامه بعد سجنه بزنزانه

ياهل الكلام استريحوا بانت الغلطه
كتاب مفهوم مضمونه وعنوانه

© 2024 - موقع الشعر