مرثاة الرئيس صدام حسين - عبدالله ناجي عزام الحارثي

ابدا بالعلق والزمر والسجده قفا الفاتحه
والانفال والمائده ومحمد وطه ونون

يا الله ياعضيم الرجا يامن يوي السارحه
عبدك راجي المغفره يامن لا تراه العيون

تغفر كل ماقد جنت ذنب اعضائه الجارحه
عافيته وسهلت له رزق المال رزق البنون

بالعفو ادخله جنتك يوم الوقفه الفاضحه
لا تخزيه لا تفضحه يا باعث امم ميتون

يامجري سفن جاريه ومواج البحرسابحه
يارحمان يامعتلي يا سامع دعا الساجدون

قال المهتجس خو علي لسقى ليلة البارحه
ليلة سلموا بو عدي لهل الشر والحاقدون

انظر كيف من حقدهم شافوا الفرصه السانحه
يوم العيد يوم الفرح يوم الناس به فارحون

اقتادوه للمشنقه شله فاسده نازحه
اجبن ناس ونذل بشر فرس اذناب لن يفلحون

والي شاهد الواقعه والصوره غدة واضحه
مثل الليث ما بينهم والانذال متلثمون

يا صدام نم با لهنا يامذبوح من ذابحه
اعدا الدين واعدا العرب ياقهري وغبني غبون

يا صدام انت البطل انت اليكه الرابحه
من مثلك ومنهو كماك كلا يخساء الخاسئون

انت الي مهاب الوطن من هيبتك يا مانحه
واجهت القوى الغاشمه لكن خانك الخائنون

الله بايجازي السبب لما طاحت الطايحه
كان اتلا شوا الحادثه قبل اعدائنا يعرفون

لكن هم ذي اتقاعسوا لما اصتاحت الصايحه
الغرب اقبلت كلها قدهم لسبب يبحثون

هل هو حب لخشامنا ولا لجلنا ناصحه
ماقد به يهودي نصح في مسلم فهل تفهمون

او هي عاشقه لرضنا او هي عندنا سايحه
اوهو حب ثرواتنا صاب النفط حبه جنون

بعد الان يا هاجسي بحرك موجته ناسحه
اشتي مد بحري يصل قاع الرافدين الحنون

يا شعب العراق الابي كونوا اخوان متصالحه
وحدت صفكم ورضكم اكبر نصر لو تعلمون

خطتهم لتقسيمكم لنتوا هاكذا ناجحه
لكن بذن واحد احد خطه فاشله لن تكون

ابناء الجلده الواحده وابناء التربه الصالحه
لا لطائفيه نعم للوحده على المعتدون

اما عن حياة البطل يالشعب الابي سامحه
ما معصوم منا احد اللا سيد المرسلون

شامخ منحنا للعدا عينه لسما رايحه
مافكوا قيود السره منه عادهم خايفون

باسه صلب قلبه قوي جر الموت ويصافحه
اثناء بالشهاده وقد ودع امته اجمعون

رد بكبريا المرجله ضد اصوات متنابحه
مؤمن بالقضا والقدر وكلاب الطرق ينبحون

مشهد هز كل العرب ذي بعيادها فارحه
وهتزت جميع الامم العجمان والمسلمون

ما بالذل شرب الهناء بل بالعز يا مالحه
افضل من حياة الترف بالمنفى حياة السجون

من غيره تجرا وقال يوم ابراجهم قادحه
اتحمد وكبر وقال انظر كيفهم يحرقون

هذا فصل خامس خرج من موجات متناطحه
صافي عذب للمستمع من قطر الندى يشربون

يكفي بس يا هاجسي وقف خيلك الجامحه
زعلتك وزعلتني والجمهور با يزعلون

هاج البحر يا هاجسي مازح بحرنا مازحه
لاتغرق وغرقتني والاصحاب لا يغرقون

وختمها بذكر النبي دايم مشرقت صابحه
شمس الصبح ذي نورها كنه خد باهي الوجون

© 2024 - موقع الشعر