يالله ياللي من عليه اتكلنا
يالواحد المعبود رب المصلين
تفرج لقلبٍ تالي الليل ونا
متذكرٍ ربعن لقلبي عزيزين
راحوا وقفوا يامطرعن سكنا
فيهم ثلاثه يامطر عن ثلاثين
والاول اللي به حروفي بدنا
راس الرجال اللي يضد المعادين
والله ماقد خابلي فيه ضنا
ميزان عرفه مايلٍ بالموازين
وقطع الفرج هي منوته ون تمنا
وشوف الصحاري والنفل والبساتين
مع دلةٍ صفرا ونجرٍ يدنا
ونار يشع ابها الغضا للمقيمين
وان زانت الطرقه مع الخط غنا
عليه قيفانٍ تصح المجانين
وجه بشوش وضحكته ماتونا
..طلق الحجاج ولو همومه ملايين
وله البوارق بالكرم رفعنا
كريم سبلا من رجالٍ كريمين
اسمه بدايت نور صبحٍ تسنا
وابوه عبد الله وربعه سلاطين
وعمهوج من ظرب المعارك تحنا
هو سيف ربعه كان منتم بدارين
ليت الليال اللي مضن يرجعنا
ونعيد سجاتٍ مضت بأول الحين
ياراكب اللي تو ماوردنا
.جابوهن التجار بأغلا المثامين
اشباح واللوحات ماركبنا
. مديلهنه فوق تسعه وتسعين
جني ثلاث ايام مرنتهنا
. وعقب الثلاثه خلصن التمارين
وشلت الشعار اللي على خشومهنا
.وثنيتلي مطرق وردعات ثنتين
ومن عقب ماوسمتهن وسم اهلنا
وصارن وصرنا للطلب مستعدين
من الجبيل الصبح حركتهنا
الساعه اربع صبح واربع وخمسين
ويوم كملت خمسه وصل علمهنا
قد مرن الدمام مثل الشياهين
وستقبلن البيت بوجيهنا
بيت الولي ماهوب بيت المساكين
ومرن على الرادار ماجابهنا
.يقول هذا صدق ولا مجانين
ولد النضر فيهن ولاشافهنا
.وختل فكره من سببهن نهارين
ويوم كملت سته على مشيهنا
. وهن بالرياض يدورن المسمين
ولبو عناد بخص وجهتهنا
من دون تقصيرٍ فالاقصى والادنين
وساعة لفن رحب وهلابهنا
وحلف عليهم والمناديب عجلين
عطوه خطٍ فيه مرسول منا
فيه السلام ورحمة الله بادين
ومن عقبها ياذيب قدر زعلنا
.وصلت ديرتنا وحنا مقيمين
وانشدك بالله ليش صديت عنا
وحنا حسب ضني ترانا المبدين
ولو صد غيرك واحدٍ ماشحنا
عيبٍ على الرجال طرد المقفين
ولا انت لو صديت لازم تثنا
حتى تحسب احساب باكر وبعدين
ولوكان من جيته يعد من اهلنا
ومن ساس قومٍ يلحقون المخلين
لكن انا بنشدك لو درهمنا
. شقح البكار اللي على الشعب عامين
ثم صاح صياح الضحا وينهنا
.تكفون يالروقه خذوها السقايين
وطبن ديار مطير بحمولهنا
ومطير في وقت الملاقاه عسرين
منهو يبي يلحق ويرتدهنا
عونٍ لهلهنه وقضاي للدين
جاتك بيوتي هيل وريد بنا
وكحل طرف عينك ولاتعمي العين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين