الرفيق اللي رحل في جنح ليل
هو رحل برضاه والا مادرا
مارحل برضاه ابداً مستحيل
اعتقد شيٍ على باله طرا
كيف ينسى مامضى وقت جميل
يوم حنا في وسط نجد قصرا
يوم حنا في طرف خشم الطويل
بالملح والزاد والطيب خشرا
كيف يرحل مايجيب النا دليل
قبل يرحل ودي اعرف وش جرا
ليه ماجا زارني قبل الرحيل
او عليه دق يوم انه سرا
خابره وافي ورجالٍ اصيل
وش بلاه اليوم باع ولا شرا
تو جاني علم من واحد عميل
قال عان البدر نازل في كرا
وسط دوح باردٍ ظله ظليل
كب نجد وراح يسكن بالقرا
شب فاقصى ضامري مثل الفتيل
وحرمت عيني تلذذ بالكرا
ابغى اشوفه جالسٍ عندي قبيل
وانشده بالضبط ويش اللي جرا
من ديارالحجز يا ويش الحصيل
ياترى ويش انت لاقي ياترا
مابلاه الطقس والجو العليل
شايفٍ له شي غير اللي نرا
ولا وقع في حب نقاض الجديل
لو وقع في حبهن حاله برا
خابره لاطب مايخذ هزيل
وان مشى قدام مايرجع ورا
هقوتي بالسالفه خطبٍ جليل
مايبّين لو بحثته بخبرا
عن كثير الهرج يقنعني قليل
لاقرا المكتوب يفهم ما قرا
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.