أبيات موجهة من الشاعر جميل بن عباس المرشدي
البارحه جا لي مع الشعر مذواع
اصخر بيوت الشعر وألعن جدفها
رتبتهن بالليل والناس هجاع
ولا ني مطمنها وابرفع هدفها
ويالله تقدينا على درب الأسناع
وإنك تكافينا الليال وصدفها
وياعصام أنا ابغى راي يقنعني اقناع
وانته تعرف النقد واللي صرفها
حثيك فهيم ولك مع الشعر مرماع
وبيوت شعرك وافيه ونعرفها
قلي تراك اخطيت في بعض الأوضاع
و الا بيوتك وافيه واحترفها
***
رد الشاعر عصام بن عباس المرشدي
صوت دعاني قلت له سم يا داع
أجبت من زين المعاني قطفها
الشاعر اللي كلمته فيها الابداع
معزوفه ابداع القصيده عزفها
صاغ البيوت وجا له القاف مطواع
بعد كتب هذي وهذي حذفها
مهوب قصده من ورا الشعر الاطماع
سواة من لا جات فرصة لهفها
قصده يبي في مرقب الشعر مطلاع
وأنا أيَده عقب المشاعر كشفها
وأقول دامك للتماثيل مولاع
قدمك مواثير العوارف وشفها
واسلم عدد ما داعب الورد ذعذاع
يا ابو سعد يا شاعر ما استلفها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.