يكرم رسول الله عن اللي سخربه
يكرم شفيع الخلق عن كل سباب
الصادق المصدوق صدق الخبربه
ماهوب لإرهابي ولاهو بكذاب
كل الصفات النادره تنذكربه
وصايفه ماتنجمع مالها حساب
الطاهر المحبوب محدٍ ذكربه
فعلٍ من الافعال يترك وينعاب
الصدق بقواله ظهر واشتهربه
كل البشر تشهد ولافيه مرتاب
المصطفى الهادي على خير دربه
نور طريق الناس في كل مرقاب
اشعل مصابيح الهدى وانتشربه
دين التسامح عن قناعات واعجاب
ماهو على ماقيل يشن حربه
ولاهو على ماقيل يضرب بمشعاب
حلمه وعطفه بالرخا ينشهربه
وفي ساحة الميدان مقدام ماهاب
شلة يدين اللي برسمه سخربه
شلة يدين الدنمركي ولاطاب
الكافر اللي في مقاله غدربه
ماخاف من رب السماء رب الارباب
ابت يدينه لو برسمه فخربه
وتبت يدين اللي معه صاروا اذناب
هذا النبي لاعاش منهو فجربه
هذا النبي سيد البشر وازكى الانساب
عليه اصلي واتبعه وافتخربه
صاحب لوا الحمد حلال الانشاب
اللي يسبه سب عجمه وعربه
يسب مليارين مسلم ولاهاب
يا امة الاسلام توقوا لقربه
خلو لكم في مركب المجد مركاب
عفو عن أكل الدنمركي وشربه
خلوه لجل المصطفى يحسب حساب
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.