هم وشعر زايد فراغ يساوي
جمر سمر باقصى اضلعي يحرقني
احداث حاضر ماضيٍ متهاوي
لو تختفي ماظنتي تعتقني
قد عشتها واللي مضى له راوي
بحوالها تجاربي تصدقني
صورتها وانا بعضها غاوي
وسبقتها من قبل هي تسبقني
متناقضات وحبلها متلاوي
في مهجتي بجزالها تشرقني
اخفيتها مابديتها لمداوي
لن الشكاوي للبشر ترهقني
نور وظلام وذيب غدرا عاوي
دايم معي ماودها تطلقني
شمسٍ تشع وبدر ليلٍ ضاوي
على عيونٍ همها ترمقني
الهم عودٍ في خفوقي ثاوي
من قبل يكبر غرني واوثقني
كنه على طول الطريق مخاوي
لاقلت فارق قال قوم الحقني
العمر سكه للنهايه تاوي
والوقت مع طرد المنى يسرقني
حتى لو اني للمصاعب قاوي
اكيد همي بالخفا يرقني
هذا وانا من كل طيبٍ حاوي
اكرم وجيه الخير واكرم دقني
ماني على مدحي بشعري ناوي
لكن قافي بالفخر يغدقني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.