دونك خفوقي - مشهور القليطي

دونك خفوقي في دفى الروح سوقي
واروي ضمايرنا على صبح واشراق

واروي بويلك اجمل المزن شوقي
ومدي يدينك وانشليني م الاعماق

في حضرتك ماني على نهج ذوقي
انتي الحضور الي لفتني وانا انساق

شوفي غلاتك مملكه في خفوقي
من دون مدري وش جرا لي ولا فاق

يا مزنةٍ غطت علي الشمس فوقي
واستوطنت في صدرها كل الاغداق

يعلى مكانك والغلا لك يروقي
وترقى غلاتك في السما فوف الآفاق

يللي غرامك ساكنٍ في عروقي
يا نجم عالي في سما الحب ذواق

دونك خفوقٍ قلد العشق طوقي
واضحى على وضح النقا حبر واوراق

يرسم غرامك في القوافي طروقي
فطرة غرامك داخله طفل تواق

يلا تغني وابيض المزن سوقي
وطفي لهيب القلب من جور الاحراق

دونك خفوقي في دفى الروح فوقي
واروي ضمايرنا على صبح واشراق

© 2024 - موقع الشعر