بياع العطر - مشهور القليطي

الا ياهاجس ابياتي والا يانعمة النسيان
بدا في خافقي جرحٍ صباح اليوم لاقاني

‏غريبه كيف تتبدّل نفوس الناس والخلّان
قريب الأمس لي صاحب مع الايام خلّاني

انا ماقول غير الله يجيب لصحبتي عنوان
وربع الامس في وقت الرخا يلقون ماجاني

تلاقي فهالزمن ناسٍ تبيع العطر والريحان
ولاهم للعطر اهلٍ يبيعه بارخص اثماني

خطيت بصحبته لكن عزاي اني انا كسبان
رحل من غير ما اتكي عليه بكامل اركاني

يقول الي كسى راسه بياض العمر والازمان
ترى جرح الخوي سمٍ عميق بداخل انساني

ولكن ما يجيك الا بحكمة من عزيز الشان
درسٍ من دروس العمر اذا مريت به ثاني

غريبه من قريب الناس يجيك البعد والخذلان
ومن بعض البشر عادي ولاخطيت قيفاني

© 2024 - موقع الشعر