ما نخيتك

يا حبيبة عُمر فاني.. في متاهات السفينة
هي بحر.. وهي الشواطئ.. والمراسي في كفوفه

ما نخيتك توقظين الجرح في نفسٍ حزينه
لعنبوها هاليالي.. كيف ما تقوى المروفه

ما نخيتك تجرحين الورد بكفوف المدينة
والشوارع في عيونه.. تنتظر منك معروفه

ليت ذنبك بالليالي الماضية تستغفرينه
ليت لك عين لجرح ساطي فيني تشوفه

ادمح الزلات وأرقد.. في مُنى الروح الدفينه
ولا أنتظر عطف الزمان.. اللي غرز فيني سيوفه

وينها الفرحه.. تلاشت وين ها الحب وحنينه
وينها البسمه وئدها ها الزمن بأقسا ظروفه

يا حبيبة.. عُمر باقي.. ليت لو تسترجعينه
ما على لحظات حزني من قسا الدنيا حسوفه