أشباح

أنا الحزين وباقي الناس بافراح
وأنا الأسير وخلق ربي طليقه

وأنا الذي مع همّ الأيام سواح
حزني لمع داخل عيوني بريقه

تبدّلت دنياي بأحزان وجراح
يا عونة الله داخل القلب ضيقه

يمر بي طيف الفرح مرّ الأشباح
ما ينتظر للي يريده دقيقه

ويمر لي شوفك بلحظات يا صح
ولا أدري سرابٍ لاح وإلا حقيقة

طال انتظاري كاتم السر ما باح
وزود الحزن ما أظن قلبي يطيقه

ليتك تعرف إن الهوى سهم ذبّاح
وقلوب عشّاق المحبه رقيقة

وليتك تعرف أني ليا شفتك أرتاح
والقلب يسعد يوم يلقا رفيقه