ما قدرت أصبر على فرقا الخليل
ويش أسوّي.. ربي اللي به بلان
اتصبّر عنك.. هذا مستحيل
ما قويت الصبر حبي لك دهان
ما بقالي من جفاك اليوم حيل
عز نفسي سبة أهل الود لان
من يقول أن الهوى ما هو ذليل
ما عرف قدر المحبه والحنان
ضاق صدري ما حسبت أنك بخيل
تبخل بشوفك لنا ساعة زمان
صارت الدنيا بوسط العين ليل
أظلمت ما عاد لي فيها مكان
دون شوفك ظلمة الدنيا تهيل
أطلقت دنياي لاحزاني العنان
جيتك أسرع ما بقا عندي سبيل
ما لقيت أرضٍ سوا أرضك لي ليان
جيتك أسرع بالخطا قبل الرحيل
الفرح مره وباقي العمر فان
جابني شوقي مع الليل الطويل
اسبق الخطوه على صهوة حصان
جابني حبي لكم أكبر دليل
إنك بعمري زهور القحويان
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.