يا بحر يا مشكاي

يا بحر أنا قلبي حزينٍ وملتاع
لا ضاق صدري جيتك أشكيلك الهم

يا بحر من مثلي سرت فيه الأوجاع
معذور لو شفته قضى اليوم مغنم

يا بحر يا مشكاي ضاقت بي القاع
قلبي حزين وحالي اليوم منسّم

أشكي وأنا أدري عنك ما أنته بنفاع
لاشك أفضّي ما بصدري من الغمّ

الله من همٍ لجا بين الأضلاع
خطر على راعيه يغرق به اليم

يتلني موج الأسا تلة شراع
وأصارع التيّار وأقول مهتم

وأنا الذي من وقتنا شفت ما راع
مر تبسم لي ومر تجهم

خليتني يا وقت للياس خضاع
وأنا اللي أول عندي الصبر منجم

عزاه من فارق هله وذيك الإجماع
أهله وخلانه وخاله مع العم

حكم القدر وأنا له اليوم منصاع
أصبح فراق الأهل أمرٍ محتِّم

وهبّ الهوى واشتاق قلبي لمرباع
ذيك الفياض اللي بها القلب خيّم

اشتقت أنا لحايل وهذيك الاجماع
اللي بها يرجي فؤادي ويحلم

شفّي هوى حايل دوا كل ملتاع
متى على الله فرقة الشمل تلتم