يا بحر

يا بحر غدرا هل فيه غيرك
بالغدر والخوف وابعاد الحسودي

ما عرفنا كيف تفعل في اسيرك
يا بحر وشلون اتخون العهودي

حن تعاهدنا ونبقى مع هديرك
ترسل امواجك إل غض النهودي

ما خبرنا واحد يرفض يجيرك
ويرتك تبعد عن اديار الأسودي

يا بحر ودي بلحظة استشيرك
عن ظبي الحور في وسط النفودي

قلبي الجروح تايه في عبيرك
اسقيني تكفي قبل شوق اللحودي

يا رفيق العمر ما هو خط سيرك
ولنا تبقى الى خلف الحدودي

كل عمري لك ولا تخلي ضميرك
والعطاء منا بتوثيق الشهودي

يا عذاب القلب وين اجناح طيرك
يا بحر خذني معك ويا العنودي

انت بي غدار أنا باشوف غيرك
ليه تغدربي شهومك لي تذوري