عسى الله يفرج - عبدالله الفيصل

عسى الله يفرج كربة اللي براه الشوق
أسير العيون السود ما في يدي حيله

سحره البها والملح من حسنه المنطوق
قليل العزى ماحدٍ من الناس ياوي له

نطحني على الكدلك حبيبي بعرض السوق
وعرض بخدٍ يجرحه لمس منديله

أبو وجنةٍ حمراً غشاها الهدب من فوق
تكاشف سناها من ورى طرقة الشيله

أنا إن ما حصل لي من ثمه حبةٍ بارفوق
فباقي حياتي ياهل العرف وشي له

ترى اللي يرد الروح للعاشق المعيوق
متى ما سمح سيده وقال أقبل الليله

© 2023 - موقع الشعر