يالله يامن يفرج الضيق والهم

لـ حسن عامر، ، في غير مُحدد، آخر تحديث

يالله يامن يفرج الضيق والهم - حسن عامر

يالله يامن يفرج الضيق والهمّ
تفرج همومٍ وسط صدري مغيره

مثل الدلي الى على صافي الجمّ
أن راح دلوٍ ممتلي جاك غيره

واحس في صدري مثل حامي السمّ
مثل اللهب فالصدر يوقد سعيره

لا شفت من تغلي بضيق يتألمّ
والعين تبصر لكن ايدك قصيره

يالله يارب المخاليق ترحمّ
المبتلى وانت الخبير بمصيره

والموت للحيين أمرٍ محتمّ
شال الملوك أهل العروش الكبيره

لابد ما نسكن ورى لحد مظلمّ
وننسى الاقارب والأهل والعشيره

© 2023 - موقع الشعر