قلبي لقى غيركم - عبدالله العليوي

قلبي لقى غيركم شخصٍ يهلي بي
يشفق علي وأنا بالحيل مبلي به

أرجوك لا تعتذر يكفيني اللي بي
والله يسامحك منك العذر مالي به

من واهجٍ بالحشا شقيت أنا جيبي
ومن لامني بالهوى يصلى لواهيبه

لولاك للناس مابانت عذاريبي
يا ما تجاهلت حبي وأنت تدريبه

يوم أنت مرتاح في همي وتعذيبي
ماقلت لك يوم ... تفقدني وتبكي به

يازين ماشوف لك عندي مطاليبي
حبيت غيرك وحبك ويش أسوي به

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر