الف مفتاح

رسمت لوحات الالم والمآسي
في وسط ساحات السعاده والافراح

تفصيلها يجري بوقت قياسي
يجرح سنين العمر بسيوف وسلاح

الله ياوقت على القلب قاسي
مافيه يوم صار سالي ومرتاح

يسري بي الهوجاس واوجاع راسي
في عالم كله متاهات واشباح

شربت من دنيا الوله وسط كاسي
ماارتحت يوم ولا تهنيت بمراح

واخذت في اللوعات فصل ن دراسي
فصل طويل مايبي شرح وافصاح

ندرس علوم في المجال الاساسي
والحزن لو يخفيه راعيه فضاح

لكن تخطيت المسافات ناسي
وفتحت بيبان الامل بالف مفتاح

واليوم صار الدرب خط انعكاسي
الهم زال وداعي الحزن قد راح

تغيرت موجات همي وياسي
وتبعثر الوقت المعنى بالاتراح

عزم وتوكل وابتهال وتناسي
زاد الامل في ديرة الحزن واجتاح