حبيبي

لـ ، ، في غير مُحدد

حبيبي لازهمته ماجوابه ياعرب لي هاه
فديتك كلمته وأفديك ياسيد المزاييني
الا ياليتنا يوم الوعد فالسوق ماشفناه
بعد شفته بوسط السوق زادت بي طواعيني
عسى عاذلك ياعايض يذوق اللي منه ذقناه
يهوجس طول ليله يوم كل الناس ممسيني
لكن اشك فوق الأرض مخلوقٍ على حلياه
هذا نادر وأصيل وكل دربٍ له يوديني
يفز القلب لامني سمعت اسمه وجاء طرياه
وكأن القلب لامنه رجف قطّع شراييني
ألا ياحسين يازينه وزين اسمه وزين رضاه
ليامنه رضى كأن العرب لرضاه راضيني
ليامنه مشى كأن الدلع واضح على ممشاه
طبيعه فيه.ممشاه بثقل سبحان معطيني
عطاني قلب مخلوقٍ وسبحان الذي اعطاه
جمال وعقل معطيها وهذا شيء يكفيني
يمين الله في عيني من اشباهه عديم اشباه
ومن شافه يقول ان الشعر يشبه كحل عيني
فدوه البيض بل اقول كل الخلق هم فداه
بلا سمراء بلا شقراء بلازينٍ بيغريني
ليا منه حضر كل الحضور تفتح الأفواه
قمر ليل ونجوم الليل غصب إنك تغيبيني
نحب ونعشق وننسى وهذا كيف أنا بنساه
ليا مني نسيته فاعرفوا أني مصيخيني
الا ياسِعد حظي لو يميني لامست يمناه
على حسب الشريعة ماسكٍ يمناه بيميني
الا يالله انا طالبك الا يالله الا يالله
من الأنذال تحميها من الحساد تحميني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر