انا عايش على الفطرة وأعامل حسب نياتي - عايض البقمي

انا عايش على الفطرة وأعامل حسب نياتي
ونياتي من الصحراء طبيعية وخلابه

سرحنا فالغنم واللي كبر ساق له نوقاتي
وعشنا بين حر وبرد فالصحراء ونشقابه

حلانا قرون مامرة تحلينا بكتكاتي
تغذِّينا الحميّة والكبتشينو جهلنابه

وعشنا ناكل التمرة مع الزبدة وهقواتي
مافيه اطيب من التمرة مع الزبدة وعشنابه

تخرجنا من الصحراء بلا نعرة ونزواتي
تمشينا عوايدنا بدين وطيب فزنا به

تحضرنا وفزنا بالعلوم وبالشهاداتي
حضارتنا حضارة علم والمنشأ عمرنا به

تمسكنا بدين الله ودين الله منجاتي
حماة الدين حنا لعن ابو من قام يهزا به

عوايدنا عوايد طيب مابدلت عاداتي
رفيقي مانسيته وإبن عمي دون طلابه

وجاري لو يغيب البيت ماتسرقه نظراتي
وصية من كريم الخلق كثّر يوم وصابه

وضيف الدار يكرم مايجي فيها مراواتي
علينا حق للضيفان واجبهم ويوفا به

ليا منه وفاء يومي وصرنا ضمن الأمواتي
هذا ورثٍ من أجدادي على عيالي بيقرى به

هذا درسٍ من الصحراء وأبى عذرٍ لهفواتي
عساني ماغلطت بزله وهرجٍ هرجنابه

أبا اسلم وأبا أصلي وأبا اكثر صلواتي
عدد ماسلم المسلم على محمد وصلى به

© 2022 - موقع الشعر